Lideri i Koresë së Veriut Kim Jong Un ka arritur në qytetin Vladivostok, Rusi për takimin e tij me presidentin rus Vladimir Putin. Kim u largua nga Peniani në orët e para të së mërkurës dhe udhëtoi për më shumë se nëntë orë drejt Rusisë me trenin e tij privat.
Pasi kaloi kufirin rus, Kim ndaloi në stacionin Khasan ku iu dha lule, bukë dhe kripë; një traditë ruse për të mirëpritur miqtë. Si edhe gjatë ceremonisë së mirëseardhjes, u përshëndet nga vajza ruse të veshura me veshje tradicionale.
“Sapo erdha në Rusi ndjeva ngrohtësinë e njerëzve tanë dhe siç e kam thënë e më parë, shpresoj që kjo vizitë të jetë e dobishme dhe e suksesshme.
Uroj që gjatë bisedimeve me presidentin Putin, do të kem mundësi të diskutoj në mënyrë konkrete çështjet lidhur me zgjidhjen e situatës në gadishullin Korean dhe zhvillimin e marrëdhënieve tona bilaterale ,”- u shpreh Kim për televizionin rus.
Kim dhe Putin do të takohen për herë të parë të enjten, por nuk pritet të ketë një marrëveshje apo nënshkrim mes dy palëve. Por, Kremlini bëri me dije se dy liderët do të flasin për “problemin nuklear” të Gadishullit Korean.
Ndërkohë analistët e konsiderojnë këtë vizitë si një mundësi për Korenë e Veriut të tregojë që ka aleatë të fuqishëm, pas dështimit të bisedimeve nukleare më Amerikën në fillim të vitit, shkruan BBC.
Samiti është po ashtu një shans që Peniani të vërtetojë që e ardhmja ekonomike nuk varet vetëm nga Amerika. Kurse sipas tyre, Rusia nga ky samit kërkon të shfaqë është një lojtar i fuqishëm në Gadishullin Korean./ Përshtati: Tirana Today
