Sipas disa burimeve diplomatike, mësohet se kryeministri britanik, Boris Johnson, do të vizitojë javën e ardhshme Parisin dhe Berlinin, ku do të takojë presidentin Macron dhe kancelaren Merkel.
Boris Johnson do takojë 2 liderët e këtyre shteteve për të diskutuar në lidhje me cështjen e Brexit, përpara takimit me G7-n.
“Parashikohet një takim mes Boris Johnson dhe Angela Merkel në Berlin”, deklaroi dje zëdhënësi i kancelares gjermane.
“Me shumë mundësi Boris Johnson do të vijë në Paris javën e ardhshme dhe të takohet me Emmanuel Macron”, njoftoi një burim diplomatik francez, pa dhënë detaje mbi datën.
Kryeministri i ri britanik është shfaqur i vendosur të largohet nga Bashkimi Evropian, me ose pa arritjen e një negociate me BE-në.
Kujtojmë se në fund të korrikut, Brukseli hodhi poshtë kërkesën për të negociuar një marrëveshje të re mbi Brexit.
