Zv.kryeministri Erion Braçe, ka reaguar lidhur me vendimin e dhënë ditën e sotme nga KE për mos hapjen e negociatave me Shqipërinë dhe Maqedoninë e Veriut.
Përmes një statusi në “Facebook”, Braçe ka falenderuar të gjithë liderët e Bashkimit Europian, të cilët mbështetën Shqipërinë në rrugëtimin drejt integrimin evropian.
Sa i përket argumentit të Emmanuel Macron se ka shumë shqiptarë azilantë në Francë dhe ky është faktor kundër Shqipërisë, Braçe shkruan se presidenti francez duhet t’i shohë shqiptarët si punëtorë, pasi sipas tij, punët më të rënda bëhen nga shqiptarët.
Reagimi i plotë i Braçes:
Faleminderit shumë për gjithçka, gjithçka, gjithçka,
zonja Merkel, kancelare e Gjermanisë!
Faleminderit shumë që njeh historinë tonë te dhimbshme prej 1400-tës,
aspiratën tonë evropiane, te përjetshme,
ja dëshmon kujtdo që s’na njeh,
zoti Conte, kryeministër i Italisë!
Faleminderit shumë për ndihmën, mbështetjen, kursin e reformave, vlerësimin dhe gjykimin e drejtë e të ndershëm, zoti Tusk, president i Komisionit Evropian! Faleminderit shumë për vizionin e qartë politik për Evropën e sotme e të nesërme, ndarë me ne e për ne,
zoti Sassoli, president i Parlamemtit Evropian!
Ju jemi mirënjohës pa fund! Ju na njihni, vlerësoni e gjykoni!
Kush pretendon se na njeh prej “azilantëve”, gjykon me bezdi qënie humane thjesht si problem për çështje te politikës së brendshme, nuk na njeh hiç; duhet te hedhë sytë nga tregu i tij i punës, me siguri duhet ta dijë se nuk është çështje burokratike vizash, por oferte në atë treg;
I BEJME NE PUNET TUAJA, MADJE ME TE RENDAT, MADJE DUKE U KEQPAGUAR E DISKRIMINUAR!
Të paktën ti njihni shqiptarët si punëtorë!
