Ndonëse kanë kaluar dy vite nga ndarja, sërish qytetarët kanë ende kureshtje se çfarë bën Bora Zemani. Moderatorja ka ndarë me fansat e saj ndjesitë pas ndarjes, në emisonin “E Diell” në “Top Channel”. Ajo nuk nguroi të tregonte se për të ndarja ka qenë e vështirë, e mbi të gjitha ishte dhe një zhgënjim me vetveten.
“Sot pas 2 vitesh, mendoj se nuk ka ndarje të thjeshta, aq më tepër kur bëhet fjalë për familje që ka dhe fëmijë në mes. Atë periudhë e kam vuajtur shumë. Mund ta quaj edhe dështim, nëse i referohem mënyrës sesi unë u edukova dhe e imagjinoja jetën.
U zhgënjeva me veten, sepse unë vetë jam rritur me një familje që janë marrë me dashuri e që po me të njëjtën dashuri, më kanë rritur mua dhe vëllain.
Gjithmonë e kisha imagjinuar që edhe vetë do të kisha një familje si ajo që isha rritur, por ky ishte mësimi që mora dhe nuk është e thënë që gjërat të shkojnë gjithmonë sipas planeve të parashikuara”, përfundoi ajo.
