Puthjet e Donaldit me Beatrixin, kanë shkaktuar një bum komentesh në rrjet. Fansat janë ndarë në grupe, ndërsa ende nuk ka patur një reagim nga vetë Bora Zemani.
Por duket se ajo shumë shpejt do ta thyejë heshtjen, ku duket se do të rrëfejë të pathënat. Duke iu referuar burimeve të brendshme në televizionin “Top Channel”, këtë të shtunë në “Përputhen Prime”, Bora ka vendosur të ftojë në studio Semin, shoqen e saj të ngushtë, e cila ka pak ditë që ka lënë shtëpinë e “Big Brother VIP”.
Kjo ftesë nuk është bërë e paqëllimshme, pasi ndër të tjera, në këtë puntatë speciale do të flasin edhe për tradhtinë e Donaldit me Beatrix Ramosaj, shkruan “Pamfleti”. Dyshimet janë se Bora këtë hapësirë televizive do ta shfrytëzojë për të ulur pëlqyeshmërinë publike të Donaldit, e vetmja formë hakmarrje që ajo mund të posedojë momentalisht.
Gjatë puntatës së kaluar të emisionit, Donaldi e pranoi publikisht ndjenjën që kishte për Beatrixin, ndonëse për Borën nuk kishte dhënë asnjë shpjegim. E ndërsa Bora Zemani e kishte bërë të qartë disa herë në deklaratat e saj publike, që ishte në pritje të daljes së Donaldit nga “BB VIP”, për të sqaruar raportin e tyre.
