Italia ka regjistruar sërish një rritje të rasteve të reja me koronavirus, gjatë 24 orëve të fundit.
Autoritetet shëndetësore kanë raportuar 386 raste, 97 më shumë se ditën e djeshme kur u shënuan 289. Kështu shkon në 247,158 numri total i rasteve të regjistruara me COVID-19 në vendin fqinj.
Ndërkohë, ka një rënie të numrit të viktimave në krahasim me një ditë më parë, ku u shënuan 6. Ditën e sotme kjo shifër është përgjysmuar, teksa janë regjistruar vetëm 3 të vdekur.
Deri më tani, në Itali kanë humbur jetën më shumë se 35 mijë persona, si pasojë e pandemisë.
