Në një koferencë për shtyp, Ministrja e Mbrojtjes, Olta Xhaçka, ka përcjellë bilancet paraprake pas goditjeve të forta të tërmetit që goditën vendin. Pas goditjes së fortë të orës 03:54, deri më tani janë shënuar rreth 100 pasgoditje, ndërsa ka shkuar në 7 numri i viktimave.
Deri tani janë 135 të lënduar dhe 12 shtrime ne spitalin e Durrësit, 60 të shtruar në QSUT Tiranë. “Është një moment i tmerrshëm. Por dua t’ju them të gjithë shqiptarëve që nuk është moment për të vajtuar, por për tu solidarizuar për të kaluar një situatë tragjike dhe të vështirë.
Mbi 100 goditje sekondare, dhe sipas ekspertëve, nuk përjashtohen pasgoditje të tjera. Durrësi dhe Thumana më të goditurit. Në të gjitha godinat e shembura vijon puna e kërkim shpëtimit, por janë operacione të vështira. Pasi ekziston rreziku që godinat të pësojnë shembje të tjera, duke rrezikuar jo vetëm banorët që kanë mbetur nën rrënoja, por edhe grupet e shpëtimit. Deri tani janë 135 të lënduar, dhe 12 shtrime ne spitalin e Durrësit, 60 të shtruar në QSUT Tiranë. Por edhe këtu rastet janë duke u shtuar kryesisht nga paniku. Janë konfirmuar 7 jetë të humbura”, tha Xhaçka.
