Shqipëria prej një kohe të gjatë po vuan pasojat e përhapjes masive të koronavirusit. Numri i të infektuarve dhe të vdekurve është në trend në rritje. Madje duke i krahasuar shifrat në rritje me Italinë, për fat të keq situata në vendin tonë është e rëndë.
Gjatë 24 orëve të fundit, në Itali ka një rënie të numrit të viktimave në krahasim me një ditë më parë, ku u shënuan 6. Ditën e sotme kjo shifër është përgjysmuar, teksa janë regjistruar vetëm 3 të vdekur. E ndërsa në Shqipëri janë shënuar gjatë 24 orëve të fundit 4 të vdekur.
Sai takon numrit të të infektuarve, autoritetet shëndetësore në Itali kanë raportuar 386 raste. Sakaq, në vendin tonë, në 24 orët e fundit janë kryer 507 testime për të dyshuar të prekur me COVID-19, nga të cilat janë konfirmuar 92 raste pozitive.
Nga Italia ka ardhur një ndihmesë shëndetësore dhe teknike në përballimin e pandemisë. Ky delegacion njofton se Task-Forca e Emergjencave Civile italiane e përbërë nga gjashtë ekspertë, do të zhvillojë një veprimtari dypalëshe për një periudhë 14 ditore (nga data 30/07 deri në datën 13/08). Grupi i ekspertëve do të zhvillojë veprimtari konsulence dhe do të ndihmojë me qëllim formimin e veçantë të homologëve shqiptarë, për çështje që kanë të bëjnë me aspektin shëndetësor specifik në diagnostikimin dhe luftën ndaj Covid.
