Ministria e Shëndetësisë njoftoi pak më parë se janë konfirmuar edhe 10 raste të tjera me koronavirus në vend.
Një nga këto raste është edhe mjeku i spitalit në Durrës, që i shërbeu 73-vjeçares që humbi jetën.
Zv.ministrja Rakacolli tha se u testuan 50 mjekë dhe infermierë në spitalin e Durrësit të cilët rezultuan negativë. ISHP ka vazhduar me gjurmimin e kontakteve, marrjen dhe testimin e mostrave të reja të stafit mjekësor në Spitalin Rajonal Durrës.
Në bazë të rezultateve që tashmë kanë dalë, nga kampioni i dytë i mostrave të marra, 39 mostra të mjekëve, infermierëve dhe pacientëve, vetëm 1 mjek rezulton pozitiv. Ai nuk ka aktualisht simptoma dhe është i vetëizoluar. Bëhet me dije se në spitalin e Durrësit janë bërë 89 testime gjithsej.
33 rastet e konfirmuara pozitivë:
Tiranë 19 raste, Durrës 5 raste (njëri prej të cilëve ka ndërruar jetë), Lushnje 1 rast, Elbasan 2 raste, Fier 4 raste dhe Rrogozhinë 2 raste.
