“Big Brother Vip” nuk ka të ndalur me surprizat. Teksa gjatë spektaklit të fundit u zbulua për banorët se do të qëndrojnë më gjatë në shtëpinë më të ndjekur nga shqiptarët brenda trojeve dhe jo vetëm, zhvillime të reja na presin. Moderatorja Arbana Osmani ka zbuluar për emisionin “Open” se “Big Brother” mund të zgjasë përtej parashikimit.
“Jemi minimalisht deri më 18 shkurt, por mund të jemi dhe më gjatë”, tha ajo. Produksioni ka vendosur që nata e fundit e reality show të shtyhet deri në datën 18 shkurt, ndryshe nga informacioni që kishin banorët për përfundimin e rrugëtimit në 4 janar.
Arbana i komunikoi banorëve se çmimit të madh do t’i shtohej edhe 10 mijë euro për secilin finalist. Gjatë intervistës, Arbana tha se i ka ardhur keq për largimin e banorëve, por më tepër për Fifin, të cilën e quajti një personazh të jashtëzakonshëm.
“Më ka ardhur keq për të gjithë, dhe realisht është e vështirë sa herë që del një i eleminuar nga shtëpia. Të vjen keq, sepse janë si pjesë e shtëpisë. Më ka ardhur më tepër keq për Fifin, e cila ishte absolutisht nje personazh i jashtëzakonshëm brenda BB VIP”, tha ajo.
