Policia italiane ka arrestuar dy të rinj shqiptarë mbrëmjen e djeshme, pasi u denoncuan nga një vajzë.
Vajza tha për policinë se i kishte parë dy shqiptarët, teksa njëri bënte roje në rrugë dhe tjetri ishte ngjitur nga përmes një tubi uji dhe kishte zbritur në ballkonin e një apartamenti.
Pas vjedhjes, dy hajdutët u larguan menjëherë para se të vinte policia. Por ka qenë përshkrimi i saktë i vajzës bëri që ata të arrestoheshin.
Dy shqiptarët të moshave 20 dhe 28 vjeç ishin të parregullt me dokumente në shtetin fqinj. Ata u shoqëruan në komisariatin e policisë dhe pritet që Gjykata të japë vendimin.
Ata akuzohen për veprat penale “Qëndrim i paligjshëm në shtetin fqinj” dhe “Tentativë për vjedhje”.
