Një vajzë e vogël është shpëtuar pasi ra përtej murit rrethues në një rezervat ku mbahen pandat në jug-perëndim të Kinës. Pamjet dramatike tregojnë një roje sigurie që përpiqet të kapë vajzën, të veshur me të kuqe, me një shtizë para se të mbështetej në mur për ta tërhequr atë, ndërsa tri panda gjigante iu afruan asaj.
Vajza e paidentifikuar, e cila duket se është e moshuar rreth pesë vjeç, ra përtej rrethimit të në bazën kërkimore Chengdu të mbarështimit të pandave në provincën Sichuan, sipas mediave kineze.
Për fat të mirë, pandat dukeshin vetëm kurioze dhe nuk bënin asnjë përpjekje për të sulmuar fëmijën. Vajza nuk u plagos dhe shkaku i incidentit është ende nën hetim.
Pas incidentit, baza e hulumtimit lëshoi një paralajmërim në Weibo për vizitorët, që të mos shkelin shenjën e sigurisë.
Baza e Kërkimeve për Mbarështimin e Pandës së Chengdu, e themeluar në vitin 1987, ka për qëllim rritjen e popullsisë së pandave gjigante, nëpërmjet përpjekjeve kërkimore dhe konservuese dhe përfundimisht lirimin e disa prej kafshëve përsëri në natyrën e egër.
Qendra shtetërore ka një nga koleksionet më të mëdha të pandave të edukuar në botë. Deri në vitin 2015, ajo ka edukuar gjithsej 214 këlyshë, shumë prej të cilëve janë dërguar në kopshtet zoologjike nëpër botë.
Panda gjigante, e konsideruar si një thesar kombëtar i Kinës, u zhvendos nga lista e specieve të rrezikuara në vitin 2016, pas disa vitesh përpjekje intensive për ti ruajtur.
Përshtati TIRANA TODAY
