Menjëherë pas mbledhjes së zhvilluar në selinë e PD, nga komisioni i rithemelimit të partisë, ish kryeministri Berisha apeloi ndaj çdo demokrati që të bashkohet me lëvizjen e tij. Në konferencën për mediat, ish-kryeministri Berisha ka pasur një ftesë për deputetët demokratë që t’i bashkohen.
Ish-lideri i PD-së Sali Berisha, pas mbledhjes me komisionin e rikthimit të PD-së ka deklaruar se protestat kombëtare janë hapi i radhës pas referendumit më 18 dhjetor.
Ndër të tjera ai ka bërë me dije se padija në SPAK e deputetëve të PD-së nga Basha, është një vendim që nuk ka as ligj dhe as besë. Sipas tij ai është pengu i Ramës, dhe e ndihmoi atë që të mos përballej me protesta më 18 dhjetor.
“Ftoj kryetarët e PD që deri tani, janë të lëkundur të bashkohen me anëtarësinë e tyre, me PD-në, sepse vendi i tyre është aty ku janë idealet më fisnike dhe ato janë në PD e rithemeluar e jo në një parti në të cilën në mënyrë absolute në dy muajt e fundit deputeti Basha e katandisi në një parti të ekstremit të majtë. Në një parti marksiste, leniniste me përjashtimet e tij të përditshme të deputetëve dhe anëtarëve me te cilat do i kishte lakmi çdo parti e ekstrimit të majtë.
Kjo javë revolucioni ka për detyrë kryesore, referendumin e anëtarësisë për ratifikimin e vendimit të Kuvendit të partisë, të shkarkimit të peng Bashës apo deputetit Basha.
Kjo është fleta. Një komision u miratua sot këtu për t’u marrë, iu besua drejtimi i referendumit.
Do bëjmë gjithcka që të afrojmë sa më shumë kutitë e votimit me anëtarësinë”.
