Ish-kryeministri Sali Berisha nuk ka të ndalur me protestat, dhe për marrjen e selisë së PD-së. Ky është mesazhi i përcjellë ndaj të gjithë demokratëve në rrjetin social Facebook, të cilin e ka shoqëruar me logon e vjetër të PD-së.
Gjatë ditëve të fundit, ish-kryeministri Berisha dhe ithtarët e tij kishin premtuar se më 8 janar do ta “pushtonin” selinë e PD-së, dhe do t’iu rikthenin atë demokratëve.
Kujtojmë këtu se pas shpërndarjes së protestuesve, në selinë blu mbërriti kryeprokurorja e Tiranës, Elisabeta Imeraj. Ajo kërkoi që të fiksohet çdo mbetje materiale e përdorur nga protestuesit, teksa deklaroi se përgjegjësit për këto akte dhune do të përgjigjen të gjithë para ligjit. Për disa orë me radhë, grupi hetimor mblodhi provat në vendngjarje. Shenja gishtash, serverin e kamerave të sigurisë, si dhe çdo provë identifikuese.
