E hënë, 24 Janar, 2022
-3.5 C
Tirana

Berisha do shkaktojë trazira? Policia dhe Garda marrin në ruajtje PD-në

Berisha do të mbledhë paraditen e sotme Kuvendin Kombëtarë të Partisë Demokratike, në ambientet e stadiumit “Air Albania”. Mbledhja e Kuvendit do të nisë në orën 10:00, ku të pranishëm në Kuvend do të jenë delegatë dhe militantë demokratë.

Që në nisje do të bëhet verifikimi i mandateve të delegatëve, të cilët më pas do të duhet të votojnë disa qendra votimi të ngritura rreth stadiumit, për propozimet e Berishës.

Verifikimi i delegatëve do të bëhet në mënyrë elektronike, përmes një karte me të cilën ata janë pajisur paraprakisht. Do të jenë grupe të rinjsh që do të çekojnë fillimisht kartat elektronikisht.

Mbi kartë janë të shënuara emër, atësi, mbiemri dhe pozicioni politik në parti ose degë i delegatëve, por edhe një kod sigurie që do ti mundësojë Komisionit të Verifikimit të mandateve që do të ngrihet në Kuvend për verifikimin e tyre lehtësisht.

Në Kuvend do të propozohen disa ndryshime statutore, për të cilat ka punuar një grup ekspertësh, që iu bashkuan Sali Berishës, si Arben Ristani dhe Oerd Bylykbashi.

Mbështetës së ish-kryeministrit Sali Berisha, kanë dhënë paralajmërime se pas Kuvendit të ditës së sotme, turma nga stadiumi “Air Albania” do të shkojë drejt selisë së Partisë Demokratike. Indrit Hoxha, i cili në cilësinë e njërit prej organizatorëve të Kuvendit të 11 dhjetorit, zbuloi dje gjatë një prononcimi për mediat, se pas mbylljes së punimeve delegatët do t’i drejtohen selisë blu.

“Kuvendi i nis punimet në “Air Albania” dhe më pas i drejtohet shtëpisë sonë. Selia blu është shtëpia jonë, nuk mund të na ndalojë kush. Ka delegatë që nuk kanë firmosur dhe do të jenë pjesë. Në Kuvend do të ketë propozime dhe më pas do të shihen se si do të shkojë procesi, dhe se çfarë vendimesh do të merren”, deklaroi Hoxha.

Lexo edhe :   Berisha kritikon termin "vëllazëri" gjatë vizitës së Erdogan

Ndërkohë, edhe zëdhënësja e “Foltores” së ish-kryeministrit Sali Berisha, Floriana Garo ka deklaruar dy ditë më parë se Kuvendi do të nisë në orën 10:00 në stadiumin “Air Albania” dhe do të përfundojë në selinë e PD-së. “Do mbahet në “Air Albania”, do të nisë në orën 10:00. Janë mbledhur rreth 5200 firma të delegatëve. Delegatët që kanë firmosur do të jenë në një zonë krejtësisht të veçuar nga pjesa tjetër e simpatizantëve, anëtarëve dhe të gjithë atyre që duan të jenë prezentë. Kuvendi do të nisë në “Air Albania” dhe do të përfundojë në selinë e PD-së”, deklaroi Garo.

Lexo edhe :   Merr detyrën Arqipeshkvi i ri i Kishës Katolike, politika bëhet bashkë

Policia e Tiranës ka vënë në zbatim planin e masave kundër tubimeve, për të shmangur ndonjë përplasje në selinë blu. Pasditen e djeshme, mjete të FNSH, si dhe autobot me ujë që përdoren për shpërndarjen e turmave, janë vendosur para stadiumit “Air Albania”, po ashtu edhe pranë selisë së PD-së. Në terren pritet që gjatë ditës së sotme të mos të ketë prezencë të punonjësve të policisë me uniformë, por do të jenë civilë të cilët do të jenë në gatishmëri për të monitoruar situatën dhe për të raportuar në kohë reale nëse do të ketë indicie për trazira.

- Reklama -

Më shumë nga kategoria




Të fundit

Mungonin avokatët, GJKKO shtyn seancën ndaj Fatos Tushes

Gjykata Kundër Korrupsionit dhe Krimit të Organizuar ka shtyrë në datën 2 shkurt seancën në ngarkim të Fatos Tushes, ish-kryetarit të Bashkisë Lushnje dhe...

Rama: Presidentin e ri do ta zgjedhim ne, do i kthejmë dinjitetin asaj zyre

Kryeministri Rama tha sot në mbledhjen e Grupit Parlamentar, se Partia Socialiste do të nisë punën për zgjedhjen e Presidentit të ri të Republikës...

Mbyllja e shkollave për 3 ditë/Aktivistët: Ministrja bën meteorologen

Për tre ditë, shkollat do jenë të mbyllura për shkak të motit të acartë. Lidhur me këtë vendim, aktivistë të Qëndresës Qytetare kanë protestuar...

“E mbyllim në shkurt”/Rama mbledh Grupin Parlamentar të PS, ja çfarë do ndodhë

Në mbledhjen e Grupit Parlamentar, kreu i qeverisë Edi Rama iu është drejtuar socialistëve të angazhohen seriozisht në procesin e këshillimit kombëtar. Ai vuri...

Basha: Berisha po vë interesat e tij personale mbi ato të demokratëve!

Në Shqipëri zgjedhjet e pjesshme, të parakohshme lokale, më 6 mars, për të zëvendësuar kryetarët e gjashtë bashkive, që iu ka mbaruar mandati, priten...