Publikimet e aktorit të “Portokallisë”, Rezart Veleshnja në profilin e tij në Instagram bënë bujë në rrjet. Kjo për shkak të akuzave dhe ofendimeve që ai bënte ndaj të dashurës, duke e akuzuar këtë të fundit për tradhti.
“Bota është e mbushur me plehra. Edhe e forta është që e di kush është ai hallexhiu që i shkon pas! Ta dijë ai i mjeri…Faleminderit të gjithëve për mbështetjen por s’kam ç’bëj me një që mban 4 përnjëherë! Mjerë ai që bën si mjeshtër dhe mendon se e ka vetëm ai! Ahahhaa.” , shkroi Rezarti në postimin ku zbuloi se madje i kishte blerë dhe një unazë diamanti 8 mijë dollarëshe.
Megjithatë, pas akuzave e ofendimeve të njëpasnjëshme, ai ka fshirë të gjitha postimet në Insta Story e më pas ka deklaruar se i kishin hakëruar llogarinë në Instagram.
“Dua të falenderoj menaxherin që bëri të mundur rimarrjen e faqes time të Instagramit. Mua ma kanë hakuar faqen, nuk e di pse i kanë bërë këto pislliqe. Për momentin jam në Washington dhe nuk kam pasur lidhje fare me Instagramin. Kam qenë 13 orë në udhëtim.
Paska ndodhur kjo dhe jam habitur. I kërkoj shumë falje. Nuk e di kush janë këta dashakeqës që më hakuan Instagramin. Nëse i gjej i kam lënë Allahun dhe policinë.
Nuk e di kush i ka përdorur fotot, por unë kam 3 orë që kam zbritur në aeroportin e Washingtonit dhe kam ngelur këtu. Nuk di kush ma ka bërë këtë punë. Do ta gjejmë me prokurori. Nuk e kuptoj interesin e këtyre njerëzve. Turp i madh është”, u shpreh aktori.
Por, ai nuk e ka mbyllur me kaq sqarimin mbi gjithcka ka ndodhur, teksa edhe sot ka publikuar një foto që dëshmon se lidhja mes tyre vazhdon.
“Të dua” shkruan Rezarti në foton e publikuar, ku është telefonuar nga e dashura e tij.
Denonco ne TT