Seanca e sotme parlamentare është shoqëruar me tensione. Deputeti Halit Valteri ka pasur një debat të fortë me Ralf Gjonin.
Një përplasje e fortë ka ndodhur pak çaste më parë, ku dy deputetët janë konfliktuar, duke sjellë një situatë të agravuar.
Valteri ka fyer Ralf Gjonin, e më pas të dy janë kacafytur ulur në vend. Kaq ka mjaftuar për të ndezur debatin, teksa ka ndërhyrë menjëherë Myslym Murrizi, i cili ka nxjerrë jashtë sallës Halit Valterin, bën me dije “Dosja.al”.
Më pas deputeti Valteri mori fjalën në foltore dhe i bëri një apel ministres Manastirliu: “Keni vendosur matjen e temperaturës, por bëni edhe testin e intelektit dhe të idiotëve në këtë vend, se kemi lloj-lloj idioti dhe lloj-lloj halabaku që nuk dinë se ça flet”.
