Avokati Spartak Ngjela i ftuar në emisionin “Kjo javë” në “News 24” tha se lidershipi i Bashës tashmë ka marrë fund.
Sipas tij, brenda shtatorit Basha nuk do të jetë më në krye të PD-së.
‘Pa ikur grupi i Berishës, PD është drejt falimentimit. Ka figura në PD që Basha përpara tyre është krejtësisht minor. Tani jemi në mars, në shtator Basha nuk do të jetë më kryetar i PD’, tha avokati Spartak Ngjela.
Ndërkohë, Ngjela foli dhe për reformën në drejtësi. Ai u shpreh se Shqipëria ka 100 vjet korrupsion, ndërsa shtoi se beson se ndërkombëtarët do të bëjnë drejtësi.
“Ndërkombëtarët do të bëjnë drejtësi. Këtu ka 100 vjet korrupsion e ky korruptim do të ç’rrënjoset. Situata është në favor të reformës në drejtësi. Edi Rama nuk ka asgjë në dorë. Reforma nuk do të ndalohet, ua garantoj unë. Ndërkombëtarët kanë thënë se reforma nuk ka për t’u ndalur”, tha Ngjela.
