Deputetja e opozitës parlamentare, Rudina Hajdari, ka sulmuar opozitën joparlamentare, teksa shprehet se kreu i saj, Lulzim Basha, duhet të kishte dhënë dorëheqjen.
Përmes një postimi në Facebook, Hajdari ironizon Bashën duke u shprehur se atij i nevojitet një ‘shkollë politike’ në mënyrë që ai të bie me këmbë në tokë.
Sipas saj, kryedemokrati Lulzim Basha, po tenton të arrijë një tjetër marrëveshje të re me kryeministrin Rama.
Postimi i plotë:
Duhet një “shkollë politike” për kryetarët e partive kryesore mbi ndryshimin e sistemit në mënyrë që të bien me këmbë në tokë. Marrëveshja nuk e shpëton dot këtë herë opozitën joparlamentare.
Deri tani Kryetari i Partisë Demokratike duhet të kishte dhënë dorëheqjen 2 herë, dhe me këtë marrëveshjen tjetër që kërkon të bëjë me Ramën me anë të “Platformës Kombëtare” (pa realizuar asnjë objektivë deri tani) do jetë e treta e vërteta. Sepse demokratët nuk kanë ndërmend ta bëjnë Edi Ramën, të pavdekshëm.
