Kreu i PD-së, Lulzim Basha është shprehur se opozita do të mbështesë të gjitha protestat e Aleancës për Teatrin.
Gjatë një prononcimi për mediat në mbylljen e protestës, Basha tha se shkatërrimi i godinës nuk është fundi i Teatrit, por fundi i qeverisë Rama.
Kryetari i opozitës theksoi se PD mbështet aleancën për rindërtimin e Teatrit siç ishte dhe aty ku ishte, si dhe ndëshkimin e autorëve.
“Do mbështesim të gjitha protestat e aleancës për teatrin, në krah të qytetarëve kudo që të ketë protesta, PD do jetë në krah të tyre. Shkatërrimi nuk është fundi i Teatrit, i kulturës, i artit , i guximit por fillimi i fundit të tiranisë dhe teatrit që Rama ka luajtur 7 vjet me shqiptarët me jetën e tyre, me institucionet, me Kushtetutën e vendit dhe ky fund do vijë shpejt dhe do jetë çlirimtar. Përsëris vendosmërinë time dhe të PD për t’i qëndruar marrëveshjes për Teatrin, rindërtimin aty ku ishte dhe si ishte dhe ndëshkimin e autorëve. Sot një ditë e re shprese, besimi të shqiptarëve”, tha ai.
