PD-ja ka marrë menjeherë masat pas incidentit të ndodhur në selinë blu. Në ambientet e jashtme të Partisë Demokratike ka filluar një kontroll për kamerat e sigurisë, duke rregulluar ato që ishin jashtë funksionit. Kontrolli i kamerave është bërë pak ditë pas hyrjes me dhunë të ish-kryeministrit Sali Berisha në zyrat e Partisë Demokratike, dhe shkelmimit të derës së zyrës nga mbështetësi i tij.
Më herët, ish-kryeministri Berisha bashkë me të ashtëquajturin Komisioni për Rithemelimin u futën me dhunë në selinë e Partisë Demokratike, ndërsa mbështetësit e tij shkelmuan derën e sallës së mbledhjeve me urdhër të Flamur Nokës. Kjo u dënua nga Lulzim Basha, i cili tha se këto veprime tregojnë dëshpërimin e Berishës. Sakaq, ish-kryeministri Sali Berisha ka vijuar akuzat ndaj liderit demokrat Lulzim Basha. Me anë të një postimi në rrjetet sociale, ai thotë se Basha është duke humbur arsyen çdo ditë që kalon edhe më shumë.
“Deputeti Basha pas karrikes dita dites po humbet dhe arsyen! Frika nga perballja me vullnetin e 44 mije demokrateve qe votuan per shkarkimin e tij me dt 18 Dhjetor e shtyn cdo dite ne absurditete te reja. Shnderrimi i Shtepise se Lirise ne nje bunker te sigurise se larte eshte deshmi e vetmise dhe paranojes qe ka kapluar karrikethyerin qe ka humbur aresyen, per te kuptuar se lider dhe kryetar nuk te ben as vula, as brava dhe as kamerat e sigurise, por vullneti i 44 mije demokrateve qe te dhane pergjigjen me te merituar ne date 18 dhjetor. Partia Demokratike do t’u rikthehet shume shpejt demokrateve, pronareve te saj te vertete dhe eshte ne interes te ish – qiraxhiut ta kuptoje se nuk ka kamera, brave apo gaz lotsjelles qe mund t’a ndale vullnetin e tyre!”.
