E enjte, 21 Tetor, 2021
8.5 C
Tirana

Basha refuzon të ndihmojë Kryemadhin, për të krijuar grup parlamentar

Zgjedhjet e 25 prillit, i dhanë goditje të fortë LSI-së dhe fajtore për këtë u bë PD-ja. Këto dy forca politike, duket se do të jenë të ndara në sesionin e ri parlamentar. Lëvizja Socialiste për Integrim ndodhet në vështirësi, për shkak se ka marrë vetëm 4 deputetë në zgjedhje dhe në këtë mënyrë nuk mund të krijojë dot grup parlamentar, pasi ky i fundit kërkon që partia të ketë 7 deputetë. Nënkryetari i LSI-së, Petrit Vasili, gjatë një interviste televizive nuk iu përgjigj drejtpërdrejt pyetjes për mundësitë e krijimit të një grupi parlamentar, por theksoi se nuk ka kohë për të humbur me asnjë burokraci parlamentare. “Misioni i vetëm i Parlamentit të Shqipërisë, është që të nxjerrë në foltoren e Parlamentit të vërteta të mëdha që janë fshehur”, u shpreh Vasili.

Vasili tregoi edhe se cilat do të jenë prioritetet e LSI-së në Parlamentin e ri. Ai tha se janë disa çështje kryesore të cilat duhet që të ngrihen me fillimin e Parlamentit të ri. Ndër to, ai tha se është reforma në drejtësi, zgjedhjet e 25 prillit si edhe kapja e ekonomisë së vendit.

“Ne e kemi të qartë se ku kalon rruga për një Parlament të vërtetë. Tre janë çështjet; Së pari kemi një reformë drejtësie të ngecur. Janë dhjetëra shqiptarë që janë në gjykata. Kemi sistem që është kapur dhe është vonuar ngritja e tij me qëllim. Të tëra institucionet e drejtësisë janë bllokuar qëllimisht. Çështja e dytë, kemi 25 prillin. Jemi dakord të gjithë që 25 prilli ka disa çështje të tmerrshme. Kush do të përgjigjet për lëshimin e kartave të ID. Kush do të përgjigjet për paratë e rindërtimit. Po për përdorimin e administratës. Kemi kapjen e ekonomisë. Për 2 vite kemi pasur një Parlament të zotëruar nga një parti e vetme që kanë kaluar shumë koncesione. Ne bëmë një marrëveshje më 5 qershor, për reformën zgjedhore, të nesërmen marrëveshja u prish dhe u ndryshua Kushtetuta. Pa zgjidhur këto tre çështje të mëdha, nuk ka marrëveshje të tjera”.

Lexo edhe :   Vettingu për politikanët, çfarë di Basha që ne nuk e dimë?
- Reklama -

Më shumë nga kategoria




Të fundit

Paloka reagon pas deklaratës së Bashës: Ndal përçarjen!

Deputeti i PD-së dhe njëherazi kryetari i Këshillit Kombëtar, Edi Paloka, ka reaguar pas deklaratës së liderit të partisë Lulzim Basha, i cili tha...

77 mandate PS-ja?

Nga: Eduard Zaloshnja “Do të kishim marrë jo 74, por 77 mandate, nëse shumë nga ata që na votuan nuk do të kishin ngatërruar numrin...

‘Reshje shiu me intensitet të ulët’, parashikimi i motit për nesër

Duke filluar nga dita e nesërme, mbi vendin tonë depërtojnë gradualisht masa ajrore të paqëndrueshme me origjinë veriperëndimore. Moti parashikohet me alternime kthjellimesh e vranësirash...

A duhet shtetëzuar transporti urban?

Nga: Klodian Tomorri Ka patur një debat mes ekonomistëve nëse shërbimi i transportit urban është apo jo monopol natyror? Evans në vitin 1991 studioi shërbimin...

Do jepni dorëheqjen nga PD? Basha: 95% e demokratëve më duan

Në një prononcim për gazetarët nga selia blu, kryedemokrati Lulzim Basha tha se 95% e demokratëve e duan në krye të betejës. Nga ana...