E diel, 17 Tetor, 2021
12.5 C
Tirana

Basha: Qeveria ka gënjyer për shifrat e të vdekurve, Manastirliu: Vaksinohuni

Kreu i PD-së, Lulzim Basha, në fjalën e tij në Kuvend ka ripërsëritur akuzën se Qeveria fsheh shifrat e të vdekurve në vend nga pandemia. Ai akuzoi qeverinë se ka gënjyer për rimbursimin e të prekurve nga COVID-19, e po kështu kanë gënjyer për jetët e humbura. Basha, në vazhdën e akuzave tha se edhe në raportin e Komisionin Evropian, konfirmohet fakti se Shqipëria ka shtesën më të madhe të shtesës së të vdekurve.

“Vendimi i ditës së sotme që ka në qendër marrëveshjen me Pfizer, vendos edhe një herë në qendër të vëmendjes pandeminë. Ashtu si në traditën më të keqe të kësaj qeverie, ajo që thuhet nuk bëhet. Kjo nuk është hera e parë që ndodh dhe hera e parë që gënjejnë për pandeminë.

Ju e dini që kanë gënjyer për rimbursimin e të prekurve nga COVID-19, kanë gënjyer për gjoja sekretin shtetëror, por mbi të gjitha kanë gënjyer për jetët e humbura. Para 6 muajsh ishin plot 16 mijë qytetarë që nuk janë më në shtëpitë e atyre që kanë humbur të dashurit e tyre, dhe jo shifra rrenacake e raportuar nga qeveria e rrenave. Edhe në raportin e Komisionin Evropian konfirmohet kjo kur thuhet se Shqipëria ka shtesën më të madhe të shtesës së të vdekurve. Ndërkohë që Edi Rama mbush me dokrra dhe aktrim mungesën e madhe të mbështetjes”, tha Basha.

Sakaq, Ministrja e Shëndetësisë, Ogerta Manastirliu, i ka bërë një thirrje opozitës nga foltorja e Kuvendit, që të bëhet pjesë e përpjekjeve për të nxitur qytetarët të vaksinohen. Ajo tha se avantazhi i vetëm që kemi sot është vaksina. Ndaj, çdo vaksinë e shtuar, ndihmon në frenimin e përhapjes së infeksionit. Ministrja u shpreh se nuk është turp nëse çdonjëri prej 140 deputetëve në sallë, të shfrytëzonte të paktën një herë të vetme hapësirën në media e jo vetëm, për t’u bërë thirrje qytetarëve që të vaksinohen.

Lexo edhe :   Basha pas përplasjes me bazën e partisë: S'pështyj në partneritetin me Berishën

“Në luftën për jetën, avantazhi i vetëm që kemi sot është vaksina. Në luftën për jetën, çdo vaksinë e shtuar sot, frenon përhapjen e infeksionit dhe rrezikimin e jetës së dhjetëra njerëzve nesër. Flasim për shëndetin publik, dhe mjafton kjo për t’i dhënë kësaj kauze një dimension që shkon përtej përfitimeve të vogla që sjell retorika e mbushur me akuza pa pikë baze.

Lexo edhe :   Parlamenti si arenë beteje me fantazmën e Berishës

Nuk do të ishte turp, as lëshim, as humbje, as dorëzim, as tërheqje, sikur çdonjëri prej 140 deputetëve në sallë, të shfrytëzonte të paktën një herë të vetme, hapësirën në media, në rrjetet e veta sociale, për t’u bërë një thirrje të sinqertë qytetarëve: Vaksinohuni!”, tha Manastirliu.

- Reklama -

Më shumë nga kategoria




Të fundit

Mbështetësve të Lulzim Bashës tani po u del “droga”

Nga: Alfred Peza Lehtësia e papërballueshme me të cilën Lulzim Basha u artikuloi vendimin për largimin e Sali Berishës nga Grupi Parlamentar i PD, pas...

Itali/Vodhi brioshët, të nesërmen i paguan. Pronari i lokalit i ofron një punë

Ai vjedh brioshët në lokal, pastaj të nesërmen kërkon falje dhe paguan. Një histori dëshpërimi, por edhe mbi të gjitha dinjiteti dhe solidariteti që...

Kolumbia sterilizon hipopotamët e “Mbretit të kokainës”

Një grup hipopotamësh - një trashëgimi e padëshiruar pas vdekjes së mbretit famëkeq të drogës kolumbiane Pablo Escobar - po sterilizohen. Escobar, i cili u...

Rusia në gjendje emergjence nga infektimet, një mijë të vdekur në një ditë

Rusia të shtunën regjistroi 1.000 vdekje në një ditë të vetme për herë të parë, që kur filloi pandemia. 222.000 vdekjeve nga Covid është...

Misioni Lucy i NASA-s do të kërkojë ‘fosilet’ e Sistemit Diellor

Një anije kozmike është nisur nga Kepi Canaveral me një mision për të zbuluar "fosilet" e Sistemit Diellor. Sonda Lucy do të shkojë në...