Kryesore

Basha përkujton revoltën në Qafë Bari: E ardhmja e Shqipërisë në udhëkryq!


               Publikuar në : 12:13 - 22/05/19 S.N

Kryedemokrati Lulzim Basha ka përkujtuar sot 35-vjetorin e revoltës së Qafë-Barit.

Në një postim në Facebook, Basha shkruan se kjo revoltë tronditi diktaturën dhe përhapi kudo në vend kushtrimin se liria nga dhuna e egër gjakatare e komunizmit do të vinte shumë shpejt.

Më tej, ai e lidh këtë revoltë me situatën aktuale, teksa shprehet se e keqja në vend është akoma e ndezur, por shqiptarët janë të bashkuar dhe nuk do të lejojnë askënd që të mposhtë lirinë dhe demokracinë.

Postimi i Bashës:

35 vjet më parë, me 22 maj 1984, revolta e Qafë Barit tronditi diktaturën dhe përhapi kushtrimin anembanë se liria nga dhuna e egër dhe gjakatare do të vinte. Sot përulemi para heroizmit prekës të martirëve të Qafë-Barit, Sokol Sokoli dhe Tomë Ndoja, të cilët ramë theror për liri!35 vjet më vonë, protagonizmi i xhelatëve të komunizmit është një kambanë alarmi për gjithë kombin. Vatra e së keqes është akoma e ndezur, drejtësia akoma nuk e ka bërë detyrën e saj, liria dhe demokracia janë akoma të brishta, dhe e ardhmja e Shqipërisë është në udhëkryq!

61166262 2415029925214841 7105187998618091520 N

Të frymëzuar nga rezistenca e martirëve të Qafë-Barit, me amanetin e sakrificës së tyre në zemër, jemi sot më të bashkuar dhe të vendosur se kurrë, për të mos lënë asgjë dhe askënd të mposhtë lirinë dhe demokracinë e të shkatërrojë të ardhmen europiane të shqiptarëve. Lavdi përjetë martirëve të Revoltës së Qafë Barit! #ShqipëriaSiEuropa

Kthehu
WhatsApp Denonco ne TT