Ndonëse shpalli “non grata” bazën e partisë, kreu i opozitës Lulzim Basha tha nga foltorja e Kuvendit se ai nuk pështyn dot partneritetin 16 vjeçar me Sali Berishën, ndërsa nuk i kurseu akuzat dhe ironitë për Ramën.
Basha tha se nuk mund të përshtyjë mbi marrëdhënien me liderin historik të demokratëve, Sali Berisha, dhe se nuk ka ndërmend që të jetë pjesë e procesit të përbaltjeve. Deri më sot, ish-kryeministri Berisha ka zhvilluar takim me demokratët në 8 qarqe, nga 12 që ka Shqipëria.
Pas ish-liderit demokrat i ka shkuar vetëm “garda e vjetër”. Në aksionin e tij politik për të rrëzuar Lulzim Bashën, Sali Berisha ka mbledhur rreth vetes 7 deputetë të Partisë Demokratike, si dhe një grup me ish-drejtorë, nostalgjikë të pushtetit të tij.
“Ne e kemi nisur pastrimin tonë. Unë nuk pështy mbi 16 vite partneritet më Sali Berishën. Nuk përshty. S’kam ndërmend që të bëhem pjesë e procesit, që kaq shumë të pëlqen ty, të eksiton.
Të këtij procesi të përbaltjes, të llumit dhe gënjeshtrave. Pyes veten time se çfarë duhet të bëjë që PD të bëhet sërish valvova dhe zemra e shpresës, jo thjesht për demokratët, po të paktën për atë 61 mijë shqiptarët që na votuan. Ajo rrugë ka nisur. Fatkeqësisht ajo rrugë të merr dhe ty tatëposhtë dhe s’ka fuqi që e ndalë. Me sjellje blasfemuese, s’ka Zot që të shpëton!”, tha Basha.
