Kryetari i Partisë Demokratike, Lulzim Basha tha se naftëtarët e Ballshit nuk presin zgjidhje nga kryeministri Edi Rama.
Përmes një konference për shtyp nga selia blu, Basha u shpreh se ata janë mashtruar nga kryeminstri dhe se qeveria është e përfshirë në aferat e naftës.
Basha ka tre pika për të rimëkëmbur sektorin e naftës.
Lulzim Basha: ”Unë i qëndroj fjalë për fjalë asaj që u thashë naftëtarëve kur i takova. E thanë vetë me gojën e tyre dhe nuk presin më zgjidhje. Janë mashtruar nga Edi Ram dhe nga partnerët e tij në këtë zhvatje. Rama është i përfshirë në aferat e rafinerisë. Zgjidhja e këtij problemi është e realizueshme por kërkon një qeveri e cila nuk është e përfshirë në aferën e naftës. Për ne, prioritetet janë të qarta. Heqja e taksës Rama mbi karburantin, kontroll mbi karburatin që po shkatërron automjetet e shqiptarëve, si dhe rikthimin e 50 milion euro në vit nga evazioni fiskal. Kështu, ne do mundësojmë që uzina të vihet në punë dhe nafta të prodhojë mirëqënie për të gjithë naftëtarët dhe jo për një grup njerëzish që punojnë me Edi Ramën.”
