Kryedemokrati Basha apeloi ndaj ambasadave, që të ishin palë me vlerat e demokracisë dhe jo palë me partitë. Lulzim Basha, në një prononcim për mediat iu rikthye sërish zgjedhjeve të lira dhe të ndershme, luftës kundër drogës dhe shitblerjes së votës.
“Asnjëherë nuk komentoj deklaratat e Ambasadave. Por meqë më pyetët, them. Nuk i kërkoj të jenë palë me asnjë parti. I kërkoj të jenë palë me vlerat e demokracisë, zgjedhjet e lira dhe të ndershme dhe të luftës kundër drogës dhe shitblerjes së votës.
Protesta e së nesërmes do të jetë tjetër rast për të ngritur zërin. Kam bindjen se do të hyjë në histori, për të ndalur të keqen dhe për të hapur dyert në Europë”.
