Kreu i PD-së, Lulzim Basha ka marrë pjesë në Kongresin e Partisë Popullore Evropiane ku do të zgjidhet presidenti i ri i PPE-së.
Kongresi ka nisur punimet ditën e sotme në Zagreb. Mësohet deri më tani kandidat i vetëm është Donald TUSK, i cili është aktualisht President i Këshillit Evropian.
Sipas Partisë Demokratike, Basha do të mbajë një fjalim gjatë këtij kongresi. Pjesë e të cilit do të jenë edhe emra të mëdhenj të politikës si: kancelarja Angela Merkel, presidentja e zgjedhur e Komisionit Evropian, Ursula von der Leyen, fituesi i zgjedhjeve në Austri, Sebastian Kurz, kryetari i Grupit të PPE në Parlamentin Evropian, Manfred Ëeber, krerët e shteteve të qeverive të, Qipros, Bullgarisë, Letonisë, Greqisë, Rumanisë, Kroacisë, Irlandës.
Kongresi në fjalë po mbahet në Kroaci, vend i cili do të marrë presidencën e radhës për herë të parë në Janar 2020.
Mësohet se Basha ka planifikuar takime me zyrtarët më të lartë të BE dhe drejtues të vendeve anëtare. Fokusi kryesor i këtyre bisedave pritet të jetë anëtarësimi i Shqipërisë në BE.
