Në Komisionin e Ligjeve u diskutua sot për buxhetin në çështjet e drejtësisë. Ministrja Etilda Gjonaj deklaroi se po shikohet mundësia për të rritur pagat e policisë së burgjeve dhe stafit mjekësor në këto institucione.
Ndër të tjera, ajo shtoi se ka pasur një bashkëpunim me mbështetje buxhetore nga Komisioni Europian për luftën kundër korrupsionit.
“Buxheti për çështjet e drejtësisë në dy komponentë, buxheti për mbështetjen e reformës në drejtësi duke përfshirë institucionet dhe e dyta ka të bëjë me aspektet buxhetore për vitin 2019 dhe ato që janë planifikuar për 2020.
Dy prioritete madhore zbatimi i reformës në drejtësi. Ky buxhet shtesë i vjen në ndihmë institucioneve të reja. Rritja buxhetore me 29%. Ndërtimi i institucioneve për edukimin dhe rehabilitimin e të miturve. Është konsideruar si ndër investimet me prioritarë.
Drejtësia për të miturit për herë të parë ka një buxhet të konsiderueshëm. Korrupsioni në administratë. Funksionimi i Task Forcës ka sjelle rezultate. Për 2019 ka pasur ndryshim duke dedikuar një drejtori specifike për çështjet ndëshkuese të korrupsionit.
Kemi pasur një bashkëpunim me Komisionin Europian me mbështetje buxhetore për luftën kundër korrupsionit me 10 mln euro. Komisioni Europian do asistojë për 2020 një shumë prej 1.5 mln euro.
Mbështetje financiare dhe nga Fondacioni Soros. Po shikohet mundësia për rritje pagash të policisë së burgjeve. Edhe për stafin mjekësor ne burgje”, deklaroi Gjonaj.
