Partia Demokratike ka dalë këtë të shtunë në krah të artistëve, lidhur me shembjen e Teatrit Kombëtar.
Ka qenë kreu i PD-së, Lulzim Basha i cili sot ka pritur një grup artistësh për të dëgjuar nga afër shqetësimin e tyre për projektin e qeverisë për shembjen e Teatrit.
Në një prononcim për mediat, Basha tha pas takmit se opozita është kundër shembjes së godinës së Teatrit Kombëtar, dhe qëndron në krah të artistëve.
Basha nuk ka kursyer akuzat ndaj Kryeministrit Edi Rama dhe Ministres së Kulturës Mirela Kumbaro duke thënë se “Rama ka pasur një projekt për kullën tek Teatri”
“Diskutuam për gjendje katastrofike të artit dhe kulturës, opozira do të ndërtojë projekt kombëtar për artin dhe kulturën, do e propozojmë në kuvend dhe do e mbrojmë në Kuvend. Kryeministri, që vinte nga bota e artit se nuk vjen më, është kompleksi i artistit të dështuar që e con ndaj urrejtjes ndaj artit, po ushtron projekt leninist për të asgjësuar një tjetër vatër të mendimit ndryshe, po i ul kokën artistëve, të asgjësojë elitën kombëtare që projekton mendimin ndryshe. Ne jemi në krahë të artistëve, teatri nuk do të shembet” tha ai.
