Kryetari i Partisë Demokratike, Lulzim Basha në mbyllje të protestës së 10-kombëtare të opozitës së bashkuar është shprehur se 30 qershori ka hyrë në histori si dita kombëtare e kurajës, ditë e cila, sipas Bashës shqiptarët treguan se janë kundër kryeministrit Rama.
Në fjalën e mbajtur para protestuesve, Basha akuzoi Ramën për vjedhje votash në 30 qershor, edhe pse nuk kishte konkurrencë. Lideri demokrat u shpreh se edhe pse Rama kërcënoi, dhunoi, bleu dhe joshi; prapë nuk e bleu vullnetin e shqiptarëve të bashkuar.
Po ashtu, Basha tha më tej se: “Regjimi kriminal i Edi Rama u mendua për të ndezur frikën, për t’i trembur që të mos bëhen bashkë. Frika të mbyll gojën. Rama na do që të jemi të nënshtruar, të heshtur, sepse kështu na plaçkit, na grabit. Populli i bashkuar, populli i ndriçuar është fundi i autokratëve të korruptuar. Ndaj në i themi ndal politikës së grabitjes, vjedhjes. Qeverisja është e popullit.”
Pjesë nga fjala e Bashës:
Jeni triumfi i shpresës mbi dëshpërimin. Jeni triumfi i kurajës mbi frikën. Një javë më parë, me 30 qershor në refuzuam të keqen, izoluam krimin, ndëshkuan korrupsionin. 30 qershori është një referendum kundër të keqes, 30 qershori është një monument i mrekullueshëm i lirisë dhe qytetarisë së shqiptarëve, 30 qershori, hyri në histori si dita kombëtare e kurajës, ku shqiptarët treguan se ata kanë forcën të ndahen nga e keqja, 30 qeshori ishte dita e popullit, ku shqiptarët treguan se janë kundër regjimit kriminal të Edi Ramës.
Vetë kandidojnë, numërojnë dhe prapë i vodhi votat Edi Rama, por ai nuk mund të fshehë dot refuzimin e popullit. 85 përqind refuzuan korrupsionin, mungesën e shpresës. Edi Rama kërcënoi, dhunoi, bleu dhe joshi dhe prap nuk e bleu vullnetin e shqiptarëve të bashkuar. Shumë ditë më parë në këtë shesh ka qenë triumfi i vërtetës mbi propagandën, i bashkimit mbi përçarjen. Regjimi kriminal i Edi Rams u mendua për të ndezur frikën, për t’i trembur që të mos bëhen bashkë. Frika të mbyll gojën. Rama na do që të jemi të nënshtruar, të heshur, sepse kështu na plaçkit, na grabit. Populli i bashkuar, populli i ndriçuar është fundi i autokratëve të korruptuar. Ndaj ne i themi ndal politikës së grabitjes, vjedhjes. Qeverisja është e popullit.
Unë u jam mirënjohës që jeni të gjithëve në këtë shesh, e që e refuzuat 30 qershorin. Faleminderit që nuk u lodhët, e që nuk u dorëzuat./Tirana Today
