Luhet mbrëmjen e sotme ndeshja mes Shqipërisë dhe Andorrës, e vlefshme për eliminatoret e “Euro 2020”.
Kombëtarja duket se e ka nisur me këmbën e mbarë pasi ka shënuar që në minutat e para të ndeshjes, duke marrë avantazhin. Por nuk ka vonuar shumë dhe Andorra ka marrë barazimin në minutën e ’18.
Nga ana tjetër duket se kombëtarja është braktisur mbrëmjen e sotme nga tifozët, duke e lënë stadiumin pothuajse bosh.
I nevrikosur me këtë fakt duket të jetë edhe kreu i Federatës Shqiptare të Futbollit Armando Duka, i cili u shpreh më herët se tifozët e vërtetë të kombëtares duhet të ishin aty për të mbështetur skuadrën.
Sipas tij, tifozeria shqiptare nuk vjen për të parë kombëtaren, por lojtarët e kundërshtares si Mbape apo Ronaldo.
“Tifozët kanë harruar që kemi një ndeshje më të rëndësishme sot me Andorrën dhe ndaj nuk ka shumë njerëz. Është bërë një punë për t’i injektuar skuadrës dëshirën maksimale për këtë ndeshje, që ka rëndësi për ne
Në fakt do të bëja gjithçka që stadiumi të jetë plot dhe kam bërë gjithçka. Nuk e di çfarë mund të bëhej më shumë. Duhet mbështetur nëse nuk ka punë më të rëndësishme, por duket se sot kanë pasur. Nuk besoj se ndikon largësia. Komoditeti në Elbasan apo në Shkodër është fantastik ,por fatkeqësisht tifozeria jonë, jo ultras, nuk vijnë për të parë ekipin, por kundërshtarin. Vijnë për të parë Mbapenë apo Ronaldon. Tifozët e vërtetë duhet të vijnë për të parë Kombëtaren sot”, tha ai.
