Aktualitet

Ngjela: Meta është në hall. Duhet të shkarkohet menjëherë


               Publikuar në : 21:34 - 14/11/19 L M

Avokati Spartak Ngjela shprehet se presidenti Ilir Meta po kërkon të shkatërrojë shtetin, pasi ndihet i kërcënuar nga reforma në drejtësi. E për këtë arsye, sipas Ngjelës, kreu i shtetit duhet të shkarkohet menjëherë.

Ndërsa theksoi se Meta nuk ka shpëtim, pasi etiketohet si një nga krerët e politikës shqiptare që e ka dëmtuar shumë shoqërinë.

Në vijim të analizës së tij, avokati theksoi se mazhoranca socialiste ka gabuar rëndë që nuk e ka shkarkuar deri më tani Ilir Metën.

“Nuk mund të jetë president i shqiptarëve një dekandencë morale si Ilir Meta. Ka dëmtuar dhe po kërkon me çdo mjet të dëmtojë Shqipërinë dhe shqiptarët. I duhet treguar vendi me forcën e shtetit… Meta tani nuk shpëton dot më nga akuzat për korrupsion. Çështja e tij është një çështje e mbyllur: shqiptarët e duan nën akuzë keqbërësin e tyre shumëvjeçar. Ky është realiteti”, shkruan Ngjela.

Postimi i plotë:

Presidenti është në hall. Është i kërcënuar nga reforma në drejtësi dhe po kërkon të shkatërrojë shtetin. Duhet të shkarkohet sa më shpejt që të jetë e mundur.

Bishti i maces së egër duhet prerë me një të rënë, dhe jo pjesë-pjesë. Kështu na kanë thënë teoricienët e mëdhenj të shtetit demokratik në kohët moderne.

I.
Presidenti do shkarkohet, por ky nuk është fundi i botës. Nuk mund të jetë më President i Republikës në këtë kohë ky individ i papranueshëm për shqiptarët.

Në një proces penal do shkojë, por ai mendon se mund të fitojë gjyqin në Gjykatën Kushtetuese, ashtu siç bëri me dy gjyqtarët e Gjykatës së Lartë, kur pushoi çështjen e 700 mijë eurove korrupsion.

Të dy ish gjyqtarët e Gjykatës së Lartë, sapo të fillojë procesi reformues, duhet të shkojnë nën akuzë, për çlirimin e padrejtë nga akuza të Ilir Metës.

Kjo është e vërteta.

II.
Meta nuk shpëton dot, sepse është nga krerët e politikës shqiptare që e ka dëmtuar shumë shoqërinë shqiptare. Tani është në fund.

Mazhoranca duhet të operojë menjëherë.

Gjykatën Kushtetuese, të rizgjedhur nga Kuvendi, e ka përshëndetur politika e lartë amerikanë.

Nga kush mendojnë ta marrin mendimin juridike për këtë çështje institucionet shqiptare?

lll.
Kurse mazhoranca socialiste ka gabuar rëndë që nuk e ka shkarkuar deri tani Ilir Metën. Parlamenti duhej ta kishte votuar shkarkimin e tij, sepse ashtu, Meta, do të ishte pa forcë juridike, derisa të shkonte në Gjykatën Kushtetuese.

Nuk mund të jetë president i shqiptarëve një dekandencë morale si Ilir Meta. Ka dëmtuar dhe po kërkon me çdo mjet të dëmtojë Shqipërinë dhe shqiptarët. I duhet treguar vendi me forcën e shtetit…

Meta tani nuk shpëton dot më nga akuzat për korrupsion. Çështja e tij është një çështje e mbyllur: shqiptarët e duan nën akuzë keqbërësin e tyre shumëvjeçar. Ky është realiteti.

Kurse për Gjykatën Kushtetuese, Presidenti ka konflikt interesi, dhe, të gjitha shkeljet që po bën, e rëndojnë edhe më shumë në akuzën penale që po i vjen si proces.

Presidenti Meta do të shkarkohet. Kjo është sot praktikë e mbyllur, prandaj ai nuk ka çfarë t’i bëjë dot as Shqipërisë, dhe as shqiptarëve.

Kthehu
WhatsApp Denonco ne TT