Kryeqyteti i Shqipërisë, Tirana, është zgjuar me lëkundje tërmeti mëngjesin e sotëm. Lëkundjet janë shënuar rreth orës 10, dhe kanë pasur magnitudë 3.6 të shkallës Rihter.
Tërmeti ka pasur epiqendër 16 km nga Bulqiza.
Në fakt, kjo ishte lëkundja e katërt ne vend, pasi para goditjes në Tiranë, janë shënuar edhe tre lëkundje të tjera.
Nga lëkundjet nuk raportohet për dëme, pasi fuqia ka qenë e vogël, ndërsa ka krijuar panik te qytetarët. Lëkundjet janë ndjerë të forta në qytetin e Tiranës, duke rikthyer panikun e tërmetit të fuqishëm të 21 shtatorit.
