Si çdo ditë, edhe sot nuk kanë munguar protestat e banorëve të Unazës së Re, të cilët kundërshtojnë projektin e Unazës së Madhe, nga i cili rrezikojnë shembjen shtëpitë e tyre. Në ditën e 142 të protestës, banorët kanë bllokuar rrugën. Ata paralajmërojnë njëzëri se do të veprojnë me dhunë, nëse situata e tyre nuk merr zgjidhje.
“Asnjë kryeministër nuk po del t’i japë zgjedhje kësaj gjëje. Do veprojmë me dhunë, sa të jetë nevoja. Nuk po e kuptoj pse shteti nuk po vepron për t’i dhënë zgjidhje kësaj gjëje. Ne nuk do biem pre e këtyre. Por, nëqoftëse ata do të na provojnë, ne do t’i kthejmë monedhën”, tha një nga banorët.
