E diel, 1 Gusht, 2021
37.5 C
Tirana

Banka e Shqipërisë ka blerë 99.3 milionë € në tregun valutor për janar-shtator

Banka e Shqipërisë ka blerë gjithsej 99.3 milionë euro në tregun e brendshëm valutor gjatë periudhës janar-shtator të këtij viti, sipas njoftimit të saj zyrtar “Mbi ndërhyrjet në tregun e parasë dhe në tregun valutor gjatë tremujorit të tretë të vitit 2019”.

Në tremujorin e tretë, Banka bleu 42.10 mln euro. Kjo ndërhyrje erdhi pas 39.20 mln eurove dhe 18 mln eurove të blera në dy 3-mujorët e mëparshëm, duke çuar totalin e blerjeve për vitin 2019 në 99.30 mln euro. Në të gjithë rastet, Banka e Shqipërisë ka përdorur opsionin e blerjeve në raundin e dytë, sikurse parashikohet në rregullore.

Blerjet e Bankës së Shqipërisë këtë vit kanë qenë të parashikuara brenda kalendarit të saj të publikuar në fillim të vitit dhe kanë kryer në funksion të rritjes së rezervës së saj valutore, në bazë të të cilës ajo blen rreth 25-30 milionë euro në çdo tremujor .

Gjatë vitit 2018, banka e Shqipërisë ndërmori një seri ndërhyrjesh të jashtëzakonshme në tregun valutor, duke blerë 460 milionë euro, ose 4 herë më të larta se ndërhyrjet e planifikuara, me qëllim frenimin e rënies së pazakontë të monedhës së përbashkët.

Ndonëse Banka e Shqipërisë bleu më shumë se 460 milionë euro për të frenuar rënien e monedhës së përbashkët, sërish kjo e fundit shënoi nënçmimin më të madh vjetor që nga 2004-a.

Për gjithë vitin 2018 kursi mesatar i këmbimit të euros ndaj lekut ishte 127.6 lekë, me një rënie prej 6.5 lekësh në raport me mesataren e një viti më pare.

Rënie e euros vijoi edhe në 2019-n, duke u këmbyer mesatarisht me 123 lekë, me rënie 4.6 lekë në raport me mesataren e një viti më parë.

Sipas statistikave të Bankës së Shqipërisë, në fund të vitit 2018, totali i rezervave valutore të Bankës arriti në 2.39 miliardë euro, i mjaftueshëm për të mbuluar 7 muaj importe. Në krahasim me vitin e mëparshëm, rezervat u rritën ndjeshëm me 403 milionë euro./Monitor

- Reklama -

Më shumë nga kategoria




Të fundit

SHBA sanksionon më shumë zyrtarë kubanë për shtypjen e protestave

Administrata e Presidentit Biden ka vendosur sanksione ndaj forcave policore të Kubës dhe dy udhëheqësve të saj pas protestave të fundit në vendin ishull...

Maqedonia e Veriut mund të rekomandojë dozën e tretë të vaksinës

Maqedonia e Veriut nuk e përjashton mundësinë e aplikimit të dozës së tretë të vaksinës kundër koronavirusit pasi, siç tha ministri i Shëndetësisë, Venko...

Izraeli akuzon Iranin për sulmin vdekjeprurës në cisternat e naftës

Izraeli ka akuzuar Iranin se qëndron pas një sulmi ndaj një cisternë nafte në të cilën u vranë dy anëtarë të ekuipazhit, një shtetas...

Pranoi plagjiaturën, bie popullariteti i kandidatit për kancelar në Gjermani

Kandidati potencial për të zvendësuar Kancelaren Angela Merkel, në Gjermani Armin Laschet ka kërkuar falje pasi ka përdorur plagjaturë në librin e tij. Laschet, në...

Manaj i pafat, portieri i Shtutgartit i mohon golin e radhës me Barçën (Video)

Rei Manaj e nisi nga stoli miqësoren e sotme që Barcelona luajti në Gjermani kundër rivalëve të Shtutgartit. Sulmuesi shqiptar u aktivizuar vetëm në minutën...