E shtunë, 31 Korrik, 2021
31.5 C
Tirana

Bamirësit shpëtojnë 4 jetë, “Fundjavë Ndryshe” pranë familjeve në nevojë

Bamirësit i janë përgjigjur thirrjeve të “Fundjavë Ndryshe”, duke ndikuar në ndryshimin e jetës së çdo qytetari që “lufton” me jetën. “Bamirësia nuk të varfëron”, duket se ka gjetur mbështetje të madhe, e çdo ditë e më shumë po faktohet se bamirësit nuk nguten të japin kontributin e tyre, të cilat shkojnë tek fëmijët e jo vetëm me nevoja të mëdha. Mësuesja nga Bilishti, Drineda Avdi ka dalë nga spitali pas transplantit të palcës. Themeluesi i “Fundjavë Ndryshe”, Arbër Hajdari, njofton se asaj do i duhet edhe pak kohë që të qëndrojë në Turqi, duke i dhënë mundësi mjekëve për ta pasur në kontroll të vazhdueshëm. Ndërhyrja është kryer në muajin qershor, dhe tashmë Drineda gëzon shëndet të plotë.

“Ka shpresë

Mësuesja Drineda Avdi, pas transplantit të palcës ka dalë nga spitali dhe gjendja e saj duket e mirë. Për disa kohë do të qendroj në Turqi për të qënë në vëzhgimin periodik të mjekëve!

Faleminderit të gjithë bamirësve, faleminderit stafit mjekësor

Të shkuara Drineda!”, shkruan Arbër Hajdari në rrjetin social Facebook.

Përpos mësueses, një tjetër rast ka marrë vëmendjen e bamirësve. Bëhet fjalë për 3-vjeçarin Noel, i cili në muajin qershor u shtrua në Liv Hospital në Stamboll. Një shqiptar që jeton jashtë vendit dhuroi 70 mijë euro për Noelin. 3-vjeçari kishte pësuar trombozë në venën e gjakut të mëlçisë, dhe kishte nevojë të menjëhershme për kryerjen e transplantit të mëlçisë.

“Pas një operacioni shumë të vështirë, del me sukses Noeli

Faleminderit dhe bekime për bamirësin

Të shkuara vogëlush ”, shkruan drejtuesi i Fondacionit “Fundjavë Ndryshe”, Arbër Hajdari.

Një histori suksesi është edhe për dy vogëlushet Melek dhe Noemi, të cilat kishin anomali në fundshpinë. Operacioni i Melekut është kryer në Turqi, dhe i Noemit në Itali.

“Del me sukses operacioni i Melek

Falenderime nga zemra për ju

Zoti të shëroftë vogëlushe !

Bamirësia nuk të varfëron!

Faleminderit të gjithëve ”, shprehet Hajdari.

“Lajme të mira

Del me sukses operacioni i Noemit!

Falenderime e mirënjohje për bamirësit”, njofton Arbër Hajdari.

- Reklama -

Më shumë nga kategoria




Të fundit

Teatri Kombëtar në pronësi të Bashkisë/ PD: Rama nuk pyet për drejtësinë

Postimi i Vokshit në rrjetin social, Facebook Vendimi i pak javëve më parë nga Gjykata Kushtetuese thotë qartë se vendimi i qeverisë i një viti...

Varianti Delta përhapet me shpejtësi në Shtetet e Bashkuara

Presidenti Joe Biden po u kërkoi punonjësve të qeverisë federale të dëshmojnë statusin e tyre të vaksinimit. Të pavaksinuarit do të duhet të mbajnë...

Si duket Serbia…

Nga Emin Azemi Serbia e Edi Ramës kufizohet direkt me Shqipërinë (!) Kjo Serbi, Kosovën e konsideron pjesë të saj dhe, për rrjedhojë, Edi Rama...

45 raste të reja në 24 orët e fundit, asnjë viktimë

Në përditësimin e radhës nga Ministria e Shëndetësisë, vihet re një rritje e rasteve të infektimeve në 24 orët e fundit. Fatmirësisht nuk ka...

Përjashtohen nga Olimpiada dy atletë që shkelën rregullat kundër COV*D-19

Dy xhudistë të Gjeorgjisë janë përjashtuar nga Lojërat Olimpike Tokio 2020, pasi kanë dalë për shëtitje jashtë Fshatit Olimpik, ka raportuar agjencia japoneze e...