Ervin Salianji është shfaqur paraditen e sotme në Prokurorinë e Tiranës, pasi u mor si i pandehur, lidhur me çështjen e njohur ‘Babalja’. Në një prononcim për gazetarët, ai tha se nuk ka asnjë hetim ndaj të akuzuarve, dhe se u mor si i pandehur vetëm se bashkë me një gazetar denoncoi një trafikant droge.
“Prokuroria e Tiranës ka vendosur që të nisë një procedim si të pandehur për denoncimin e një trafikanti që mbi bazën e kallëzimit që sot nuk gjendet jam i proceduar, do ta vazhdojmë procesin.
Nuk ka pasur hetim siç duhet të kishte për drejtorin e policisë, për kreun e grupit parlamentar të PS, dhe ish ministrin e Brendshëm të shkarkuar. Më akuzojnë agjitacion në bashkëpunim me gazetarin Jetmir Olldashi. Çeshtja do të shkojë në gjykatë, dhe atje do të rrëzohet”, u shpreh Salianji.
