Mbrëmja e të mërkurës që lamë pas iu dedikua e gjitha gruas dhe të drejtave të saj. Një nga të ftuarat, Erinda Ballanca, njëkohësisht edhe Avokate e Popullit, ka rrëfyer edhe si e ka përjetuar periudhën e pas ndarjes nga ish-bashkëshorti i saj, Andi Bushati. Ajo ka thënë se pas periudhës së ndarjes, e kishte pasur mjaft të vështirë për të jetuar vetëm.
“Kur unë kam pasur një partner, kam qenë shumë më mirë sepse kam pasur ndihma. Më duhet të them që në momentin që unë jam ndarë, unë kuptova që nuk dija të jetoja më vetëm”, ka treguar Ballanca.
“Më dukej sikur çdo veprim që kisha bërë gjatë gjithë jetës sime, më dukej sikur nuk dija të bëja asgjë. Sepse isha mësuar të isha me dikë. Por çdo gjë rimerret, sepse jeta është e bukur në mënyrat e saj”, ka përfunduar ajo.