Kryesore

“Asnjë nga kandidatët nuk ishin të duhurit”, Artan Hoxha befason me deklaratën


               Publikuar në : 19:58 - 05/12/19 M S

Gazetari Artan Hoxha ka kometuar zgjedhjen e Olsian Çelës në krye të Prokurorisë së Përgjithshme, dhe largimin e Arta Markut. Në studion e “Abc News” gazetari Artan Hoxha argumentoi pse asnjë nga kandidatët që ishin për tu zgjedhur kryeprokuror, nuk ishte i duhuri.

Ai deklaroi se Prokurori i Përgjithshëm sot ndihet i kërcënuar, dhe kërkon mbrojtje, “asnjë nga tre kandidatët nuk është i duhuri për tu zgjedhur Prokuror i Përgjithshëm”, tha Hoxha.

“Pres nga Prokurori i ri të tregojë se është një lider, dhe është i aftë të kthejë besimin e qytetarëve te organi i akuzës. Sfida e tij më e madhe sot është trupa e Prokurorisë, sepse sot ato u ngjajnë emergjencave civile.

Prokurori i zgjedhur duhet të motivojë këtë trupë prokurorësh që ka në dispozicion. Duhet t’jua bëjë të qartë që ky vend nuk ka mënyrë tjetër shpëtimi”, tha Hoxha.

Më tej ai shton se prokurorët që nuk kanë kaluar Vettingun, janë një nga arsyet që kanë sjellë dështimin e shumë çështjeve. Ai propozoi që Çela të bëjë një filtrim të drejtuesve të prokurorëve që ka në dispozicion. Po kështu, të zgjedhë ekipin e tij me kë duhet të punojë.

“Prokuroi i zgjedhur ditën e sotme Olsian Çela duhet të bëjë një filtrim të drejtuesve të prokurorëve që ka në dispozicion. Ai duhet të zgjedhë ekipin e tij me kë duhet të punojë”, tha më tej ai.

Artan Hoxha i është drejtuar Olsian Çelës me një apel të qartë, ku ky i fundit duhet t’ia bëjë të qartë mazhorancës dhe gjithë klasës politike që të mos guxojnë të fusin hundët te detyra e tij. “Urgjentisht duhet të hartojë një strategji komunikimi me qytetarët. Duhet ta bëjë punën e Prokurorisë transparente”.

Mazhoranca dhe opozita e re në Kuvend bashkuan votat, dhe me 101 vota pro 2 kundra 10 abstenim, ku Çela u miratua kryeprokurori i ri.

Ai do të zëvendësojë në këtë detyrë Arta Markun. Çela kërkoi hapur e pa frikë një mbështetje për një mandat që do i ndryshojë, sipas tij, faqen e drejtësisë në Shqipëri.

Kthehu
WhatsApp Denonco ne TT