Ka nisur ditën e sotme seanca plenare në të cilën do të zgjidhet se kush do jetë prokurori i ri i Përgjithshëm i Shqipërisë.
Burime për PS kanë bërë me dije se para seancës është bërë një mbledhje grupi, në të cilën është marrë vendimi për të mbështetur kandidatin Olsian Çela, si prokurorin e ri të Përgjithshëm.
“Do të mbështesim vendimin e KLP. Çela, i renditur i pari nga KLP dhe vota e socialistëve do të jetë për të parin në listë”, thanë burimet.
Edhe pse Kuvendi ka dhe dy javë të tjera para përfundimit të afatit të përcaktuar ligjor, mësohet se zgjedhja e tij do të jetë sot në rendin ditës. Kujtojmë se për këtë pozicion janë në garë 3 kandidatë Olsian Çela, Arta Marku dhe Fatjona Memçaj.
