Ish-ministrja dhe ish-deputetja Arta Dade, në një intervistë në “ABC News” tha se do të ishte në interesin e PS që të zhbllokohej kjo krizë që ka përfshirë vendin. Ajo zbuloi se nuk ka shkuar më në Partinë Socialiste, ndërsa solli në kujtesë një mbledhje të zhvilluar në vitin 2014. Nga ajo kohë, atë nuk u ftuan më, për të shkak të disa sugjerimeve, të cilat duket se nuk janë pranuar.
“Unë nuk kam shkuar, sepse praktikisht e para që nuk jam ftuar. Po shikoja një film për të ndjerin Hajdaraga, dhe pati disa pjesë të mbledhjeve. Aty kam qenë edhe unë, dhe mendova që ajo mbledhje nuk është bërë më që nga 2014-a në Janar, sepse u mblodhëm dhe thamë disa rezerva që kishim për qeverisjen 6-mujore dhe që nga ai moment, që edhe Hajdaraga dhe të tjerë thamë disa kundërshti, dhe thamë sugjerime. Ne nuk jemi mbledhur më. Në Asamble nuk jam, sepse ishim meqë ishim deputetë të PS. Në Kryesi ju e dini që refuzova të shkoj, sepse refuzova të isha pjesë e fasadës. Më vjen keq që PS nuk arriti të ngrihej në kërkesat dhe besimin që i dha elektorati”, tha Dade.
