Që prej 26 nëntorit, ditës kur tërmeti shkatërrimtar i mori jetën 51 shqiptarëve, Fondacioni “Fundjavë Ndryshe” është gjendur pranë personave që fatkeqësisht mbetën pa një çati mbi kokë.
Përpos ndihmave konstante të cilat janë shpërndarë çdo ditë tek ata që kishin nevojë, Fondacioni në fjalë ka ndërmarrë masa të menjëhershme për grumbullimin e një fondi që do të përdoret për rindërtimin e banesave të shkatërruara nga tërmeti tragjik.
https://www.instagram.com/p/B5icG1pHj66/
Drejtuesi i Fondacionit “Fundjavë Ndryshe” Arbër Hajdari, teksa ishte i ftuar në emisionin “Mos i fol shoferit” në “TV Ora”, tregoi hollësisht dhe me transparencë se si do i menaxhojë qeveria fondet që u mblodhën për tërmetin.
Ndër të tjera, Hajdari ka rrëfyer se Fondacioni që ai drejton, tashmë prej më shumë se 4 vitesh, ka arritur që të grumbullojë për të prekurit nga tërmeti një shumë prej rreth 2 milion dollarësh.
“Qeveria shqiptare ka krijuar një Komitet të Rindërtimit ku unë jam një prej anëtarëve si palë interesi për të kontribuar për tërmetin. Ne i kemi grumbulluar rreth 2 milion dollarë. Është një fond që është grumbulluar për një javë, ditët e para të tërmetit. Janë rreth 60 mijë donatorë shqiptarë dhe të huaj.
Mendoj që qeveria ka hartuar një master-plan, koordinim, është një projekt që nuk mund të realizohet për një javë, as për dy javë pasi janë shumë zona të reja.
Besoj se e kanë menaxhuar mirë pjesën e dytë të ndeshjes që është kjo, tani dhe pjesën e tretë të ndeshjes, besoj se do e realizojnë akoma më mirë për të vetmen arsye sepse mendoj që pjesë e tryezës së Komitetit të Rindërtimit janë disa njerëz ku mendoj se do bëj pjesë dhe unë, që nuk do të ketë tolerime nëse shohim apo dëgjojmë diçka”, pohoi Arbër Hajdari.
