E diel, 1 Gusht, 2021
40.5 C
Tirana

Meta: Mavri Kuvendi shkeli me të dyja këmbët ligjin

Presidenti Ilir Meta, ashtu siç u paralajmërua edhe më herët, doli në një konferencë për shtyp ku denoncoi miratimin e ligjit për Dividentin (për Tatimin mbi të Ardhurat).

Kreu i Shtetit e konsideroi “një krim të tmerrshëm kushtetues, të konsumuar nga sekti mafioz, i gjendur në krye të grushtit të shtetit”.

“Ligji për Dividentin është rasti më flagrant si Kuvendi i kapur, si një organizatë mafioze; bashkë me qeverinë e mazhorancën ka dhunuar hapur kushtetutën dhe shumë shpejt do të japin llogari para popullit shqiptar dhe drejtësisë së re që do të vijë.

Nuk do të ketë shpëtim për ta. Nenet e Kushtetutës janë dhunuar hapur. Barazia para ligjit, tipar themelor i Kushtetutës sonë, por çfarë bëri ky sekt mafioz? Rilindja miratoi ligjin për disa ndryshime në ligjin për tatimin mbi të ardhurat e ndryshuara, në dëm të sipërmarrësve të ndershëm.

Mavri Kuvendi dhunoi hapur dhe tmerrshëm Kushtetutën e Republikës, shkeli me të dyja këmbët ligjin, duke futur në mënyrë të fshehtë dekretin e presidentit për ta botuar në Fletoren Zyrtare.

Kishin si qëllim rrëzimin e dekretit të Presidentit, pa shumë zë. Mavri Kuvendi shkeli me dy këmbët ligjin, një ndër krimet më të mëdha. Kemi një dele parlament që po vijon shkeljet. Ju bëj me dije se për këtë krim të dëmshëm, do paraqes në SPAK kallëzimin penal për vendosjen para drejtësisë të gjithë autorëve të saj.

Sekti mafioz i qeverisë së Rilindjes po dhunon Kushtetutën. Mirëpres bizneset dhe investitorët nesër në tubim.

Ju ftoj nesër në bulevard të jemi bashkë. Situata ka kaluar çdo kufi, 10 veta tallen me miliona shqiptarë. Askush nuk ka më siguri juridike në vend”, deklaroi Meta.

- Reklama -

Më shumë nga kategoria




Të fundit

SHBA sanksionon më shumë zyrtarë kubanë për shtypjen e protestave

Administrata e Presidentit Biden ka vendosur sanksione ndaj forcave policore të Kubës dhe dy udhëheqësve të saj pas protestave të fundit në vendin ishull...

Maqedonia e Veriut mund të rekomandojë dozën e tretë të vaksinës

Maqedonia e Veriut nuk e përjashton mundësinë e aplikimit të dozës së tretë të vaksinës kundër koronavirusit pasi, siç tha ministri i Shëndetësisë, Venko...

Izraeli akuzon Iranin për sulmin vdekjeprurës në cisternat e naftës

Izraeli ka akuzuar Iranin se qëndron pas një sulmi ndaj një cisternë nafte në të cilën u vranë dy anëtarë të ekuipazhit, një shtetas...

Pranoi plagjiaturën, bie popullariteti i kandidatit për kancelar në Gjermani

Kandidati potencial për të zvendësuar Kancelaren Angela Merkel, në Gjermani Armin Laschet ka kërkuar falje pasi ka përdorur plagjaturë në librin e tij. Laschet, në...

Manaj i pafat, portieri i Shtutgartit i mohon golin e radhës me Barçën (Video)

Rei Manaj e nisi nga stoli miqësoren e sotme që Barcelona luajti në Gjermani kundër rivalëve të Shtutgartit. Sulmuesi shqiptar u aktivizuar vetëm në minutën...