Anën e “Për’puthen”, së shpejti do ta shohim në një tjetër televizion. Ajo sërish do të jetë pjesë e një formati të ngjashëm me “Për’puthen”, në Kosovë. Prej disa kohësh, në Kosovë ka nisur një emision i ngjashëm me formatin e “Për’puthen”, i quajtur “It’s my love”.
Drejtuesi i këtij emisioni, Kika, i njohur në Shqipëri si ish-konkurent në “Big Brother”, ka dhënë një intervistë së fundmi për “Express Rozë”, ku ndër të tjera ka zbuluar se do të ketë konkurrentë të “Për’puthen”, që do t’i bashkohen versionit kosovar.
Ai ka zbuluar se një nga konkurrentet do të jetë Ana, e cila do t’i bashkohet së shpejti “It’s my love”. Po ashtu ai tha se Ana nuk do të jetë e vetmja, pasi do të ketë edhe të tjerë ish-pjesëmarrës të emisionit të “Top Channel”, që do të shkojnë në programin e tij “dating”.
Ana Lleshi është 26-vjeçarja më e komentuar në programin e njohjeve “Për’puthen”, pikërisht për shkak të fotos që vërtetonte që ajo kishte kaluar natën në shtratin e Arjonit, edhe pse rregullorja e formatit e ka të ndaluar këtë.
E lindur në Sarandë, por që jeton në Tiranë, vajza që zotëron një biznes të vetin dhe ka pasion gatimin, kërkon partner në televizion.
