E enjte, 21 Tetor, 2021
8.5 C
Tirana

Amerika ti vendosë Serbisë embargo, brenda kushtit të njohjes së Kosovës

Nga: Spartak Ngjela

Për Kosovën, ka vetëm një zgjidhje: Amerika duhet t’i vendosë embargo të rreptë ekonomike Serbisë, brenda kushtit të njohjes së Kosovës.

Kjo, sepse entiteti juridik i pavarur si shtet i Kosovës, është rrjedhojë direkte e politikës amerikane.

Pse, një shtet primitiv si Serbia e në aleancë me Moskën, do ta mundë politikën amerikane në Ballkanin Perëndimor?

Kjo është pamundësi absolute.

Atëherë… pikërisht për këtë, këto janë pyetjet që ngre logjika e një realpolitike moderne sot, për të dy shtetet shqiptare, Shqipëri e Kosovë, dhe për politikën amerikane gjithashtu:

Pse u bë lufta e vitit 1999; pse u bombardua Beogradi; pse u shpall pavarësia e Kosovës; që të fitojë Serbia me banditizmin e saj në Ballkanin Perëndimor?

E di politika amerikane që Serbia është një shtet agresiv dhe i ndërtuar posaçërisht, që nga viti 1880, kundër botës shqiptare, kundër territorit shqiptar dhe kundër konceptit real të shtetit modern?

E di politika amerikane që presidenti aktual i Serbisë, Vuçiç, është një ish ministër aktiv i Milosheviçit, një fshehës pasionant i historisë së vërtetë, dhe një i dehur patologjik e me agresivitetin e tipit nazist të politikës, dhe, i gjithi në traditën agresive të komunitetit serb?

E di politika amerikane se presidenti i Serbisë, Vuçiç, është një pjellë e histerisë serbe që po punon për një luftë të re në Ballkanin Perëndimor?

E di politika amerikane që, antiamerikanizmi patologjik i Serbisë, nuk vjen nga humbja e luftës së Kosovës, por rrjedh direkt nga historia brutale e serbëve, si hordhi, të ushqyera nga agresiviteti historik i Rusisë aziatike kundër Perëndimit?

E di politika amerikane që stalinizmi ishte një tirani aziatike që shfarosi oksidentalizmin e iluminuar në Rusi, nën petkun e barazisë marksiste?

E di politika amerikane që, luftën me Rusinë në Ballkanin Perëndimor, Shtetet e Bashkuara e fitojnë vetëm me forcimin e shpejtë të dy shteteve shqiptarë aty?

E di politika amerikane që, Ballkani Perëndimor i shqiptarëve të bashkuar, është domosdoshmëri për ecurinë historike të Shteteve të Bashkuara në këtë zonë?

E di politika amerikane që, me një logjikë relative, Izraeli, Shqipëria dhe Kosova janë sot aleatët me të mëdhenj të Shteteve të Bashkuara të Amerikës në botë?

Po, politika amerikane i di të gjitha këto. Por, pikërisht për këtë arsyetim global, Amerika duhet t’i vendosë Serbisë embargo klasike, derisa ajo të tërhiqet nga qëllimi i saj me agresivitet të sëmurë kundër Kosovës. Por, duhet theksuar ndërkaq se, oreksi patologjik i Serbisë, në synimet e saja ballkanike, e kalon Kosovën, sepse ai është një oreks agresiv tipik millosheviçian që kërkon revanshin e një ish pushtuesi të mundur.

- Reklama -

Më shumë nga kategoria




Të fundit

Paloka reagon pas deklaratës së Bashës: Ndal përçarjen!

Deputeti i PD-së dhe njëherazi kryetari i Këshillit Kombëtar, Edi Paloka, ka reaguar pas deklaratës së liderit të partisë Lulzim Basha, i cili tha...

77 mandate PS-ja?

Nga: Eduard Zaloshnja “Do të kishim marrë jo 74, por 77 mandate, nëse shumë nga ata që na votuan nuk do të kishin ngatërruar numrin...

‘Reshje shiu me intensitet të ulët’, parashikimi i motit për nesër

Duke filluar nga dita e nesërme, mbi vendin tonë depërtojnë gradualisht masa ajrore të paqëndrueshme me origjinë veriperëndimore. Moti parashikohet me alternime kthjellimesh e vranësirash...

A duhet shtetëzuar transporti urban?

Nga: Klodian Tomorri Ka patur një debat mes ekonomistëve nëse shërbimi i transportit urban është apo jo monopol natyror? Evans në vitin 1991 studioi shërbimin...

Do jepni dorëheqjen nga PD? Basha: 95% e demokratëve më duan

Në një prononcim për gazetarët nga selia blu, kryedemokrati Lulzim Basha tha se 95% e demokratëve e duan në krye të betejës. Nga ana...