Ambasada e Shteteve të Bashkuara të Amerikës në Tiranë ka reaguar së fundmi duke iu bërë thirrje qytetarëve që të rrinë larg protestës që do të nisë mbrëmjen e sotme në orën 8 nga opozita.
Ambasada ndër të tjera shkruan se kohëzgjatja e protestës është e panjohur: “Një demonstrim i madh pritet të zhvillohet pranë Zyrës së Kryeministrit të hënën, më 8 korrik 2019-të, duke filluar rreth orës 20:00. Grupi synon të demonstrojë kundër qeverisë shqiptare dhe mund të lëvizë në vende të ndryshme në Tiranë. Kohëzgjatja e demonstratës së pritshme është e panjohur. Demonstrimet e kohëve të fundit kanë përfshirë dhunën. Forcat e sigurisë kanë përdorur ujë dhe gaz lotsjellës për të shpërndarë turmat.
Personeli i Ambasadës së SHBA-së dhe anëtarët e familjes janë drejtuar për të shmangur të gjitha pikat e grumbullimit dhe vendet ku demonstratat janë të pashmangshme ose në vazhdimësi”.
