Aktori i njohur i humorit, Olsi Bylyku, me anë të një videoje ka treguar versionin e tij lidhur me rastin e Mihal Kokëdhimës, i cili theu xhamin e makinës në ecje.
Humoristi ka sjellë rastin flagrant të dhunës ndaj turistëve spanjollë, duke imituar pronarin e restorantit ‘Panorma’, hipur mbi kofanon e një makine në ecje.
Bashkëngjitur videos në fjalë, ai shkruan: ‘Si qëndron e vërteta…’.
Mihal Kokëdhima, 51 vjeç, sulmoi fizikisht një grup turistësh spanjollë, pas një konflikti të zhvilluar në ambientet e biznesit të tij.
Video që u bë virale, ngjason me inskenimet e filmave hollivudianë, ku Kokëdhima ka dëmtuar mjetin e transportit privat të turistëve. Konflikti nisi pasi turistët kishin mbetur të pakënaqur nga shërbimi në lokal, dhe kanë tentuar të largohen.
