Ditën e sotme ka ndodhur një aksident në aksin rrugor Korçë-Bulgarec, ku një mjet tip “Benz” është përplasur me mjetin furgon tip “Volkswagen” të Postës Shqiptare.
Mësohet se shoferi i mjetit furgon tip “Volkswagen” i Postës Shqiptare është transportuar drejt Tiranës me helikopter.
Raportohet se i aksidentuari është Kristi Plluska 35 vjeç, shkruan “opinion.al”.
“Më datë 09.06.2020, rreth orës 14:00, në aksin Korçë-Bulgarec, janë përfshirë në një aksident rrugor mjeti tip “Benz” me drejtues shtetasin N. S., me mjetin furgon tip “Volkswagen” të Postës Shqiptare, me drejtues shtetasin K. P., rreth 35 vjeç, i cili për pasojë është dëmtuar. Shtetasi N.S, ndodhet i shoqëruar në ambientet e Komisariatit për veprime të mëtejshme”, njofton policia.