SHBA u përball të mërkurën me një situatë të pazakontë. Pas fjalimit të Donald Trump para Shtëpisë së Bardhë, ku ai deklaroi se nuk do të dorëzohet para vjedhjes së zgjedhjeve, mijëra mbështetës mësynë brenda godinës së parlamentit, Capitol Hill.
Kongresmenët që certifikuan fitoren e Xho Bajden, u evakuuan me shpejtësi. Ky akt i paprecedentë ka nxitur historianë dhe analistë, të flasin për skenarin e një grushti shteti, që Trump po planifikon për të mos e dorëzuar presidencën.
Radikalizmi i Trump, ka distancuar akoma më shumë figura të njohura të Partisë Republikane. Por shumë analistë, këto akte janë tentativat e fundit të dëshpëruara të Trump para largimit nga Shtëpia e Bardhë.
Sipas tyre, Trump nuk ka mbështetjen e ushtrisë dhe as të biznesit. Ata kanë bërë thirrje për një tranzicion paqësor të pushtetit.
Por gjatë protestave të muajve të fundit, Trump e ka diskutuar mundësinë e shpalljes së ligjit ushtarak në vend. Sipas ligjit, kjo ndodh kur trazirat në vend dalin jashtë kontrollit të policisë. A do të jetë ky rasti?
TIRANA TODAY
